ಹೂವನು ಮುಚ್ಚಿಡಬಹುದು
ಕಂಪನು ಬಚ್ಚಿಡಬಹುದೆ?
ಮುತ್ತನು ಮುಚ್ಚಿಡಬಹುದು
ನಾಚಿಕೆ ಬಚ್ಚಿಡಬಹುದೆ?
ದೀಪವ ಮುಚ್ಚಿಡಬಹುದು
ಸೂರ್ಯನ ಬಚ್ಚಿಡಬಹುದೆ?
ಆನೆಯ ಪಳಗಿಸಬಹುದು
ಅಂಕುಶದ ಮೊನೆಯಲ್ಲಿ
ಹಕ್ಕಿಯ ಬಂದಿಸಬಹುದು
ಪಂಜರದ ನೆರಳಲ್ಲಿ
ಮಾನವನಾ ಬಗ್ಗಿಸಬಹುದು
ಆಸೆಯ ಇಕ್ಕಳದಲ್ಲಿ
ಕನ್ನಡ – ಇಂಗ್ಲಿಷ್‌ – ತಮಿಳಿನಲ್ಲಿ ಈ ಹಾಡನ್ನು ಕೇಳಿ
ಇರುವೆಗೆ ಖೆಡ್ಡಾ ತೋಡಿದರೆ
ಹೆರಿಗೆ ಮನೆಯಾಗಿತ್ತು
ಇರುವೆಗೆ ಪಂಜರವ ಇಟ್ಟರೆ
ಬಯಲ ಗೂಡಾಗಿತ್ತು
ಇರುವೆಗೆ ಇಕ್ಕಳವ ಹಿಡಿದರೆ
ಹರಿವ ನೀರಾಗಿತ್ತು
ಸಾವೆಂಬ ನೆನಪು
ಉಳ್ಳವರ ಉರುಳು
ಈ ಇರುವೆ ಕಾಣದು
ಆ ಸಾವ ನೆರಳು
ಸಾವೆಂಬ ಬಾಗಿಲ ಆಚೆಯಿಂದೀಚೆಗೆ
ಸಾವೆಂಬ ಹೊಸಿಲ ಈಚೆಯಿಂದಾಚೆಗೆ
ಆಚೆಯಿಂದೀಚೆಗೆ
ಈಚೆಯಿಂಲಾಚೆಗೆ
ಸೂಜಿಕಣ್ಣೊಳಗೆ ದಾರ ಪೋಣಿಸಿದಂತೆ
ಆ ದಾರದೊಳಗೆ
ತಾಳೆ ತಾವರೆ ತುಂಬೆ ಮಲ್ಲಿಗ ಸಂಪಿಗೆ
ಹೊನ್ನಂಬರ ಕನಕಾಂಬರ ಕೇದಿಗೆ ಸೇವಂತಿಗೆ
ಬೇಲಿ ಮೇಲಿನ ಹೂವು
ಘಮಲು ಘಮಲು ಘಮಲು
ಬದುಕೇ ಘಮಲು
-ನಾಗತಿಹಳ್ಳಿರಮೇಶ